მუცლის უკანა კედლის კუნთები

ლალი დათეშიძე

ადამიანის ნორმალური ანატომია. მუცლის უკანა კედლის კუნთები Posterior muscles of abdomen

წელის კვადრატული კუნთი – m. quadratus lumborum, ბრტყელი კუნთია, ავსებს XII ნეკნსა და თეძოს ქედს – crista iliaca შორის შუალედს; კუნთი მდებარეობს მუცლის უკანა კედელზე და ზურგის ღრმა კუნთებისაგან გამოყოფილია გულმკერდ – წელის ფასციის – fascia thoracolumbalis ღრმა ფურცლით.

მუცლის კუნთები

წელის კვადრატული კუნთი შედგება წინა და უკანა ნაწილებისაგან. წინა ნაწილი გაჭიმულია თეძოს ქედის შიგნითა ბაგიდან და თეძო – წელის იოგიდან XII ნეკნამდე და გულმკერდის მალამდე, ასევე მედიალურ რკალოვან იოგამდე – Lig. arcuatum mediate; უკანა ნაწილი მიემართება თეძოს ქედიდან და თეძო – წელის იოგიდან – Lig. iliolumbale წელის მალების განივ მორჩებამდე.
მოქმედება: სწევს თეძოს ძვალს ზემოთ, ხოლო მეთორმეტე ნეკნს – ქვემოთ; მონაწილეობს ხერხემლის სვეტის წელის ნაწილის გვერდით გადახრაში; ორმხრივი შეკუმშვისას წელის ნაწილს სწევს უკან.
ინერვაცია: n. intercostalis, nn. lumbales (Th12; L1-L3).
სისხლმომარაგება: aa. subcostalis, lumbalis, iliolumbalis.


პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია. ანატომიის ნაწილის მომზადებაზე მუშაობდნენ: ლალი დათეშიძე (1997 წლიდან), არჩილ შენგელია მანანა კიკნაძე (2006 წლიდან). 2008 და 2019 წლის ვერსიები მომზადდა მანანა კიკნაძის რედაქციით.
გაფრთხილება

.