თეძოს საერთო არტერია

ადამიანის ნორმალური ანატომია. თეძოს საერთო არტერია Arteria iliaca communis Common iliac artery

ლალი დათეშიძე

თეძოს საერთო არტერია – a. iliaca communis მუცლის აორტის გაყოფით (ბიფურკაციით) მიღებული წყვილი სისხლძარღვია; თეძოს საერთო არტერიები (მარჯვენა და მარცხენა) მიემართებიან ქვემოთ და ერთმანეთის მიმართ ქმნიან კუთხეს; ეს კუთხე ქალებში უფრო დიდია ვიდრე მამაკაცებში. თეძოს საერთო არტერიის სიგრძე 5 – 7 სმ-ია.

თეძოს საერთო არტერია გავა-თეძოს სახსრის – articulatio sacroiliaca დონეზე იყოფა ორ ტოტად:
1. თეძოს გარეთა არტერია – a. iliaca externa
2. თეძოს შიგნითა არტერია – a. iliaca interna

თავის გზაზე თეძოს საერთო არტერია გზავნის წვრილ ტოტებს ლიმფური კვანძებისაკენ, შარდსაწვეთისა და სუკის დიდი კუნთისაკენ – m. psoas major.

თეძოს საერთო არტერია


პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია. ანატომიის ნაწილის მომზადებაზე მუშაობდნენ: ლალი დათეშიძე (1997 წლიდან), არჩილ შენგელია მანანა კიკნაძე (2006 წლიდან). 2008 და 2019 წლის ვერსიები მომზადდა მანანა კიკნაძის რედაქციით.
გაფრთხილება

.