სათესლე ბუშტუკი

ლალი დათეშიძე

ადამიანის ნორმალური ანატომია. სათესლე ბუშტუკი Vesicula seminalis;  Seminal vesicle

სათესლე ბუშტუკი – vesicula seminalis, წყვილი, ღრუ ორგანოა. მდებარეობს შარდის ბუშტსა და სწორ ნაწლავს შორის, წინამდებარე ჯირკვლის ზემოთ. სათესლე ბუშტუკის სიგრძე 12 სმ, სისქე 6 – 7 მმ-ია.

სათესლე ბუშტუკი

იგი სპირალურად დახვეულია საკუთარი ღერძის გარშემო და წარმოქმნის ნაკეცებს; ამის გამო, ფრონტალურ განაკვეთზე სათესლე ბუშტუკს ფიჭისებრი შესახედაობა აქვს. გაუშლელ მდგომარეობაში სათესლე ბუშტუკის სიგრძე დაახლოებით 5 სმ, სიგანე – 2 სმ და სისქე – 1 სმ-ია. მასში განარჩევენ: ზემოთ და ლატერალურად მიმართულ გაგანიერებულ ნაწილს – სათესლე ბუშტუკის ფუძეს – basis, სხეულს – corpus და ქვემოთ და მედიალურად მიმართულ ვიწრო ნაწილს – საწრეტ სადინარს – ductus excretorius.

223

სათესლე ბუშტუკის კედელი შედგება სამი გარსისაგან: გარეთა შემაერთებელქსოვილოვანი, შუა – კუნთოვანი და შიგნითა ლორწოვანი. ბუშტუკის ღრუ ამოფენილია ლორწოვანი გარსით – tunica mucosa. გარედან თითოეული ბუშტუკი დაფარულია ადვენტიციური გარსით – tunica adventitia. სათესლე ბუშტუკები წინა ზედაპირით ესაზღვრება შარდის ბუშტის ძირს, უკანა ზედაპირით – სწორი ნაწლავის ამპულას. წინამდებარე ჯირკვლის ფუძესთან ბუშტუკის საწრეტი სადინარი უერთდება სათესლე სადინარს და ქმნის მშხეპავ სადინარს – ductus ejaculatorius, რომელიც გაივლის წინამდებარე ჯირკვალს და ნაპრალისებრი ხვრელით იხსნება შარდსადენის წინამდებარე ნაწილის ლორწოვანი გარსის ზედაპირზე, სათესლე გორაკის – colliculus seminalis გვერდზე. სათესლე ბუშტუკი გამოყოფს მოყვითალო ფერის სეკრეტს, რომელიც ათხიერებს თესლს და აადვილებს სპერმატოზოიდების მოძრაობას.
ინერვაცია: plexus hypogastrici superior et inferior.
სისხლმომარაგება: aa. rec tales superior et media, vesicalis inferior, ductus deferentis.


პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია. ანატომიის ნაწილის მომზადებაზე მუშაობდნენ: ლალი დათეშიძე (1997 წლიდან), არჩილ შენგელია მანანა კიკნაძე (2006 წლიდან). 2008 და 2019 წლის ვერსიები მომზადდა მანანა კიკნაძის რედაქციით.
გაფრთხილება

.

გააზიარე ...Share on Facebook
Facebook
Tweet about this on Twitter
Twitter